حەسەن زیرەک

شێعری نالی

لەدوگمەی سوخمەی دوێنێ نوێژی شێوان بەیانیدا سفیدەی باغی سێوان لە خەوفی تەلعەتت ڕۆژ هەر وەکوو شێت بەڕووزەردی هەڵات و کەوتە کێوان

شێعری گۆران

کام ئەستێرەی گەش؟ کام گوڵی کێوی؟ سوورە وەک کوڵمی، ئاڵە وەک لێوی کام ڕەشی ئەگات بە ڕەشی چاوی؟ برژانگ و برۆ و ئەگریجەی خاوی

هەتا جحێڵ بووم فرە پیر نەبووم ئەمکرد ڕاوی باز، سۆنەگیر نەبووم ئێستا کە پیر بووم من دەگرم سۆنە سۆنەش سڵ دەکا، لە ئاوی کۆنە

شێعری هەژار

باخەوان بۆ ئەو مەبەستە گوڵ ئەلاوێنێتەوە بۆ ئەوەی گەورەی بکاو بە پارە بیگۆڕێتەوە بیفرۆشێ بەو کەسەی کە خەڵکی ئەڕووتێنێتەوە بۆ ئەوەی مێزی شەرابی پێ بڕازێنێتەوە کچ لە نێو کوردی گوڵێکە بۆیە پەروەردەی ئەکەن بۆ ئەوەی بڕازێنێتەوە مێزی شەرابی دەوڵەمەن

گەردەرم کەی ڕوو لە کوێ کەم؟ هیچ پەنایەکی دیکەم نییە گەر بە دان پۆستم دەرێنی، دێمەوە چارەم چییە دۆست و دوژمن مەمکەن لۆمە، سنگی کاغەزی سپييە پڕ بە دڵ من دەیپەرستم، ئایا تەکلیفم چييە تا لە دەر بووم، دۆست بە ملیۆن، ڕێ نەبوو، بکات سڵاو گەر گیرام و کەوتمە بەندیخانە، کەس نەبوو لێم بێنێ ناو یا نا کوژرام و تێدا چووم، وەک ئاورێکی ئاو پێدا کراو تا لە دەر بووم، دۆست بە ملیۆن، ڕێ نەبوو، سڵاو بکا گەر گیرام و کەوتمە بەندیخانە بەدینم کەس نەبوو بانگم بکا هەر لە گەنجی تا بە پیری ئەو دڵەم بێغەم نەبوو گەردشی ئەو چەرخە کۆنە قەد لە من غافڵ نەبوو بەویژدانم گشت درۆ بوو، لە دنیا دۆست و برا و ئەغيارم نەبوو ئەلعان ڕەوڕەوەی...

شێعری وەفایی

دەمێ ساقی دەمت بێنە دەخیلی چاوەکانت بم بە جامێک دەستی من بگرە، فیدای پیری موغانت بم لە دوو لا مەست و حەیرانم، بە قووەی جەزبە نازانم؟ نە سەرگەردی سەر و گەردن، نە قوربانی لەبانت بم