حەسەن زیرەک

شێعری نالی

لەدوگمەی سوخمەی دوێنێ نوێژی شێوان بەیانیدا سفیدەی باغی سێوان لە خەوفی تەلعەتت ڕۆژ هەر وەکوو شێت بەڕووزەردی هەڵات و کەوتە کێوان

گەنجی ئینسان تا میزانێک بە ملوێن غەوغا دەکا ئەگەر پیربوو پشتی کۆمە، شەرم لە عیرفان دەکا وەک من تا بووم، بە ملوێنی نێوم هەبوو مووی سفید باعیسی منە و بە ملوێن جنێوم هەبوو لە پاش مردنم، لەسەر قەبرم گریە و زاریم بۆ چییە لەخۆدان و خۆڕنین و بێقەراریم بۆ چییە هاتوچۆی لای دەلاڵو نزیک ئەغیارم بۆ چییە خۆڕنین و سێ ڕۆژانە و حەڵوا بەخشینم بۆ چییە

گیانە قەسەمت دەدەم تۆ حەزرەت داوود هەر خۆم بەتەنیا قوربانی ناوت دنیا بفرۆشم بۆ سورمەی چاوت خۆ من گاور نیم کەوتوومە داوت هەتا کەی جووت کەم پاو و پێڵاوت تاکەی دابێنم ئەگریجەی خاوت

شێعری هەژار

ئەو دڵەی وەک بوتپەرەستێ ڕوو ئەکاتە چاوەکەت نوێژ ئەکا بۆ تیشکی چاو و زولفە تێکئاڵاوەکەت گەڕچی ئەیشێلی بەزەبری قۆندەرە و پێڵاوەکەت قەت بە دڵڕەق باست ناکەم، نایزڕێنم ناوەکەت چونکە ئەیزانم تەلاری یارە خواپێداوەکەت مەستی کردووی، بۆیە نابینی لە حەندەم چاوەکەت

شێعری ئاوات

نووری ڕوخسارت وەدەرخە، دەردی بێدەرمانە شەو زوڵمەتی زولفت لەسەر ڕووتە، لە ڕوژ میوانە شەو دوێ شکور مەردانە، من ڕێم بردە ناو زولفی سیات تا بزانن ئەهلی موڵکی دڵ، قەڵای مێردانە شەو هەر لە مەغریب تا بەیانی، بێوچان دێت و دەچێ هەر لە دووی خورشیدی خاوەر وێڵ و سەرگەردانە شەو قەدری شەو چا بگرە عاشق، شەمع و پەروانە دەڵێن سۆز و گریەی شەمع، هەر شەو سووتنی پەروانە شەو کوێر و نابینایە ئێستاکە لە داخی ڕۆژی ڕووت بۆیە ڕەشپۆش و فەقیر و مات و بەستەزمانە شەو عاشق و مەعشووق لە ڕۆژدا خۆ دەپارێزن لە خەڵک گەر پەنای چاکت دەوێ، بۆ ئەو دووە بڕوانە شەو هەستە کامیل، بەستە سستی، دەی بڕۆ لێڕاکەوە تا وڵات بێدەنگ و باسە، تا لە ڕۆژ میوانە شەو

شێعری گۆران

کام ئەستێرەی گەش؟ کام گوڵی کێوی؟ سوورە وەک کوڵمی، ئاڵە وەک لێوی کام ڕەشی ئەگات بە ڕەشی چاوی؟ برژانگ و برۆ و ئەگریجەی خاوی