Hesen Zîrek

شێعری سەید کامیل ئیمام زەنبیلی (ئاوات)

لە پڕدا پیریم لێ وەدەر کەوت بەختیش وەکوو خۆم هات و لێی خەوت فتیلەی عومرم هاتۆتە کزی هەر بینا ئەویش لە سووتان کەوت

گەنجی ئینسان تا میزانێک بە ملوێن غەوغا دەکا ئەگەر پیربوو پشتی کۆمە، شەرم لە عیرفان دەکا وەک من تا بووم، بە ملوێنی نێوم هەبوو مووی سفید باعیسی منە و بە ملوێن جنێوم هەبوو لە پاش مردنم، لەسەر قەبرم گریە و زاریم بۆ چییە لەخۆدان و خۆڕنین و بێقەراریم بۆ چییە هاتوچۆی لای دەلاڵو نزیک ئەغیارم بۆ چییە خۆڕنین و سێ ڕۆژانە و حەڵوا بەخشینم بۆ چییە

عەزیزەکەم، بە تیری عەشقت جەرگم بڕاوە دڵم بە داوی زولفت بەستراوە بە نازی چاوت گیرۆدەت کردم ئومێدی ژینم لە دەستبەرداوە

شێعری وەفایی

بەحەمدیللا گوڵی ڕەعنا شکاندی ڕەونەقی لەیلا بڵێن مەجنوونەکەی شەیدا ڕەئیسی عاشقان بابێ زەمانە بەزمی ڕەندانە بدە ساقی بە پەیمانە لەبەر تەعزیمی مەیخانە بڵێن پیری موغان بابێ

قاسپاندنم چۆن کەو کێژم خوارد چون مار ئاڵقەمدا لە دەوری لق و پۆی چنار پرسیم لە چنار بەرزی سەرکانی ئەحواڵی لەیلەکەم ناشێ نەیزانی؟ جوابی دامەوە چنار بەو زمانە بۆچ شێت بووی؟ مەجنوون، دێوانە لە تاوی یاری خۆت بۆچ کەوتوویە ئەو کێوانە عەزمم کرد وەڵڵا چیبکەم دڵ پەرێشانە ئیمڕۆ دوو ڕۆژە لەیل بێنازە نە قاسپەی کەوە نە دەنگی بازە نە هاڕەی تەپڵە نە سەدای سازە

شێعری هەردی

ژیان و ئەركی ناخۆشی پەپوولەی ئارەزووی کوشتم شەرابی جامی دڵداری لە تافی لاوی دا ڕشتم